Olmaliqdagi o'yindan keyin "Paxtakor" bosh murabbiyi uchrashuv haqida fikrlarini bildirdi.
Grigoriy KOLOSOVSKIY ("Paxtakor" bosh murabbiyi): - Birinchi bo'limni juda yaxshi boshladik. Tez gol urdik va shundan keyin qator qulay vaziyatlarni yuzaga keltirdik. Ulardan foydalanishda oqsadik. Shunda yanada erkinroq harakat qilgan bo'lardik.
Tanaffusdan so'ng esa natijaga qarab o'ynashga tushdik. "Olmaliq" vaziyatni o'zgartirishga urindi. O'yin sur'atini nazorat qildik, biroq kichik xato ham qimmatga tushishi mumkin edi. G'alaba qozonish yoqimli, ammo tashabbusga ega bo'lgan holatda bundan unumli foydalanish lozim.
— deya xabar beradi uff.uz nashri.