"Sevinch" PFK safida ko'p yillardan buyon to'p surib kelayotgan hujumchi Mahliyo Sarikovaga BAAning Dubay shahriga tegishli “Al-Vahda” klubi qiziqish bildirmoqda.
Mahliyo Sarikova futbolchilik faoliyatini 2003 yilda boshlagan, mamlakatimiz va xalqaro chempionatlarida ko'plab sovrinlarni qo'lga kiritgan. U "Sevinch" safiga 2005 yildan kelib qo'shilgan. 2012-2014 yillarda Qozog'iston jamoalarida ham faoliyat olib borgan. U mamlakatimizning turli terma jamolari safiga ham chaqirilib turadi.
Mahliyo Sarikova bilan Dubayning “Al-Vahda” klubi o'zaro  kelishuvga erishsa, BAA klubida to'p tepgan birinchi o'zbekistonlik ayol futbolchiga  aylanishi mumkin. Eslatib o'tamiz, “Al-Vahda” klubida xuddi shu nomdagi ayollar jamoasi ham bor.
Mahliyo Sarikovaga “Al-Vahda” klubi xuddi shunday taklif bilan bundan avval, ya'ni 2010 yili ham qiziqish bildirgan.
Jamoa hujumchisi yaqin kunlarda Dubay shahriga yo'l oladi va u erda klub ko'rigidan o'tadi.
— deya xabar beradi uff.uz nashri.