Ispaniya chempionati 12-turidan o'rin olgan «Deportivo» hamda «Sevilya» klublari o'rtasidagi uchrashuv o'z nihoyasiga etdi. Unda mehmonlar irodali g'alabaga erishdilar. «Deportivo» futbolchilari o'yinni yaxshi boshlashdi va birinchi daqiqadayoq Babelning golidan so'ng hisobni ochdilar. O'yinning 42-daqiqasida Andone hisobni 2:0ga etkazdi. Birinchi bo'lim so'ngida mehmonlar hujumchisi Nzonzi o'rtadagi farqni qisqartirdi. Ikkinchi bo'lim so'nggi daqiqalariga kelib mehmonlar Vitolo (87) va Merkado (90+2) gollaridan so'ng «Deportivo»dan g'alabani ilib ketishdi. Ispaniya chempionati. 12-tur «Deportivo» – «Sevilya»  2:3 Gollar: 1:0 – 1 Babel, 2:0 – 42 Andone, 2:1 – 44 Nzonzi, 2:2 – 87 Vitolo, 2:3 – 90+2 Merkado. Deportivo – Tiiton, Sidney, Albentosa, Luizinyu, Xuanfran (Arribas, 79), Gilerme, Moskera, Cholak (Borxes, 62), Gama, Babel, Andone (Moreno, 88). Sevilya – Riko, Merkado, Parexa, Eskudero, Karrisu (Vitolo, 46), Nzonzi, Sarabiya (Ben-Yedder, 76), Ganso (Vaskes, 70), Kranevitter, Mariano, Vetto. Ogohlantirishlar: Tiiton (57), Parexa (76), Vetto (83), Arribas (84), Babel (90).
— deya xabar beradi uff.uz nashri.