Angliya chempionatining 12-turidan o'rin olgan “Sautgempton” – “Liverpul” uchrashuvi o'z nihoyasiga etdi. Unda 0:0 hisobi qayd etilib, jamoalar murosa ko'chasini tanlashdi. Klopp shogirdlarida Forster darvozasiga to'p kiritish uchun qulay vaziyatlar bo'ldi. Birinchi bo'limda Sado Maneda ajoyib vaziyat yuzaga kelgandi, biroq Forster seyv amalga oshirib, to'pni qaytarishga muvaffaq bo'ldi. Ikkinchi bo'limda, Emre Jan “Liverpul“ning tezkor hujumini gol bilan yakunlashi mumkin edi, biroq, uning zarbasidan so'ng to'p darvoza ustunining yonginasidan o'tib maydonni tark etdi. Roberto Firmino Koutinoning ajoyib pasidan so'ng darvozabon bilan deyarli birga-bir vaziyatga chiqib, uni dog'da qolida olmadi. Yakunda qo'ldan boy berilgan vaziyatlar “Liverpul”ga qimmatga tushdi, sababi final hushtagiga qadar hisob ochilmadi. Shu tariqa, chempionlikka da'vogarlik qilayotgan “Liverpul“ ochko yo'qotdi va agar ertaga “Chelsi“ g'alaba qozonsa, londoniklar peshqadamga aylanib oladilar. Angliya chempionati
12-tur Sautgempton – Liverpul 0:0 (0:0, 0:0)
Sautgempton – Forster, van Deyk, Bertran, Soaresh, Fonte, Bufal (Long, 66), Devis, Redmond, Romeu, Xeyberg (Rid, 78), Ostin (Rodriges, 75).
Liverpul – Karius, Lovren, Matip, Klayn, Koutino, Veynaldum, Firmino, Jan (Starrij, 78), Mane (Origi, 90), Xenderson, Milner.
Ogohlantirishlar: Soaresh (61), Koutino (78).
— deya xabar beradi uff.uz nashri.