Ispaniya chempionati 12-turidan o'rin olgan «Atletiko» Madrid – «Real» Madrid uchrashuvi o'z nihoyasiga etdi. Unda 0:3 hisobi qayd etildi. «Qirollik klubi» vakillari Madrid derbisida «Atletiko»ni tor-mor keltirdilar. Shiddatli ruhda boshlangan uchrashuvning 23-daqiqasida Ronaldu jarima to'pidan unumli foydalanib hisobni ochdi. O'yinning 71-daqiqasida Ronaldu o'zi ishlagan penaltini golga aylantirib hisobni yiriklashtirdi. Oradan biroz vaqt o'tib, hujumga berilib ketgan mehmonlar qarshi hujumni o'tkazib yuborishdi. Beyl tezlik namoish qilib raqib jarima maydoni tomon kirib bordi va Ronalduga to'pni etkazib berdi, portugaliyalik hujumchi o'z imkoniyatini ko'kka sovurmadi. Shu tariqa Ronalduning xet-trigi « Real »ga uch ochko taqdim etdi. Ispaniya chempionati. 12-tur Atletiko – Real Madrid 0:3  Gollar: 0:1 – 23 Ronaldu, 0:2 – 71, penalti Ronaldu, 0:3 – 77 Ronaldu. Atletiko – Oblak, Savich, Filipe Luis, Xuanfran, Godin, Gabi (Korrea, 62), Koke, Ferreyra Karrasko, Saul, Grizmann, Torres (Gameyro, 62). Real Madrid – Navas, Varan, Marselo, Karvaxal, Nacho, Isko (Benzema, 79), Kovachich, Vaskes (Asensio, 86), Modrich, Beyl, Ronaldu (Xames, 83). Ogohlantirishlar: Gabi (26), Koke (63), Ronaldu (63), Godin (71), Vaskes (78), Korrea (84).
— deya xabar beradi uff.uz nashri.