«Barselona» bosh murabbiyi Luis Enrike Ispaniya chempionati doirasida «Malaga»ga qarshi kechgan o'yin haqida fikr bildirdi.
- Himoyadan chiqmaydigan jamoaga qarshi nimadir qilish juda qiyin. Men faqat o'z futbolchilarim va muxlislarni maqtashim mumkin. Biz g'alaba qozona olmadik, ammo bunga munosib edik.
Biz himoyaviy o'ynaydigan jamoalarga qarshi turishga ko'nikib qolganmiz. Ammo bu har safar echim topa olamiz, degani emas.
Pako Alkaser yaxshi o'ynadi, boshqalar ham. Pako - yangi futbolchi va gol ura boshlashi uchun vaqt kerak. Biz g'alaba uchun qo'limizdan kelgan barcha ishni amalga oshirdik, ammo yakuniy zarba berishda adashdik. Faqat shu jihatdangina futbolchilarni tanqid qila olaman, - deydi murabbiy.
— deya xabar beradi uff.uz nashri.