Oliy ligada navbatdagi mavsum yakunlanish arafasida. Biroq hozircha chempion va oliy ligani tark etadigan jamoa nomi ma'lum emas. Bu holat esa chempionatimizning qiziqarli kechayotganiga ishora. Autsayderlar qatorida borayotgan «Andijon» elitada joy saqlab qolish yo'lida «Qo'qon-1912», «Obod» va «Navbahor» jamoalari bilan bellashmoqda. Katta ehtimol bilan mana shu to'rt jamoadan biri kelasi mavsumni 1-ligada boshlaydi. E'tiborlisi, 29-turda «Obod» va «Andijon» o'zaro to'qnash kelishdi. Biz mazkur uchrashuv oldidan «Andijon» darvozaboni Akmal Tursunboevdan intervyu oldik. - Termamiz o'yinlari sabab oliy ligada tanaffus yuzaga keldi, - deb so'z boshladi 23 yoshli darvozabon. - Mana shu tanaffus bizga juda ham kerak edi. «Obod»ga qarshi kechadigan muhim o'yinga jiddiy tayyorgarlik ko'rishimiz talab etilardi. Hozirda mashg'ulotlarni kuchaytirilgan tartibda olib boryapmiz. Bizni qanday bahs kutib turgani va uning natijasi qanchalik muhim ekanligini har birimiz yaxshi tushunib turibmiz. O'ylaymanki, bo'lajak uchrashuvda o'zimiz uchun kerakli natijaga erishamiz. - «Obod» haqida qanday fikrdasiz? - Oliy liga debyutanti o'z maydonida har qanday raqibga munosib qarshilik ko'rsata olishini amalda isbotlayapti. Asosiy ochkolarni ham o'z uyidagi uchrashuvlarda qo'lga kiritgan. «Obod» tarkibida iste'dodli futbolchilar etarli va ular g'alabalarga chanqoqlar. Xususan, Shohruz Norxonov yosh bo'lishiga qaramay, to'purarlik mahoratini namo-yish etyapti. O'z o'rnida biz ham shu kuni mavsumdagi eng yaxshi o'yinimizni ko'rsatishga intilamiz. Ortga yo'l yo'q. Oliy ligada qolish uchun g'alaba qozonishimiz shart. - «Andijon» nimaning evaziga muvaffaqiyatga erishishi mumkin? - Xato qilmagan jamoa yutadi. Bu o'yinda birgina xato o'yin taqdirini hal qilishi mumkin. Imkon qadar o'zimiz yuzaga keltiradigan xavfli vaziyatlarni golga aylantirishimiz lozim. Shunda ko'zlagan maqsadimizga erishamiz. - Avvalgi turda «Bunyodkor» bilan durang (0:0) qayd etdinglar. Turnir jadvalidagi holatdan kelib chiqsak, bu «Andijon» uchun ijobiy natijami? - Siz aytgan tomondan olib qarasak, ha, bu biz uchun ijobiy natija. Chempionlik uchun kurashayotgan jamoadan ochko tortib oldik. Lekin oliy ligadagi o'rnimizni saqlab qolish uchun kurashayotganimizni inobatga olsak, biz qimmatli ikki ochkoni yo'qotdik, deb o'ylayman. - 27-turda «Olmaliq» maydonida ham durang o'ynadinglar. Natija o'yinga mos bo'ldimi? Davomi interfutbol.uz saytida.
— deya xabar beradi uff.uz nashri.