«Barselona» hujumchisi Lionel Messi jamoadan ketishi mumkin. Xabar qilinishicha, hujumchiga «Manchester Siti»dan kuchli qiziqish mavjud.
«Manchester Siti»  rahbariyati «Barselona»ga Messi uchun 230 million evro to'lashga tayyor. Shu bilan birga hujumchining o'ziga haftasiga 500 ming funt sterling maosh taklif qilishmoqchi.
«Manchester Siti» bosh murabbiyi Xosep Gvardiola ekani jamoaga qo'l kelishi mumkin. Murabbiyga jamoani qayta tashkil qilishda cheklov qo'yilmasligi aytilgan va nafaqat Angliya, balki Chempionlar ligasida ham so'zsiz etakchi bo'lish vazifasi qo'yilgan.
Eslatib o'tamiz, Messining «Barselona» bilan shartnomasi 2018 yilning 30 iyunida yakuniga etishi lozim. Yangi shartnoma borasidagi muzokaralar esa yangi yildan so'ng davom ettiriladi. Biroq Messi «Barselona»dan ketishni istayotgani xabar qilingan edi.   
— deya xabar beradi uff.uz nashri.