"Galatasaroy" klubi yarim himoyachisi Uesli Sneyder Italiya chempionatiga qaytgan taqdirda bolalik orzusi bo'lgan "Milan" sharafini himoya qilish istagi borligini tan oldi.
"Men "Inter"da o'ynagan vaqtimda klub uchun borimni berdim. Ammo hammasi men kutgandek yaxshi yakunlanmadi. Men o'zimni toptab tashlangandek his qildim.
Bolalik vaqtlarimda "Milan"da o'ynashni orzu qilar edim. Agar Italiyaga qaytadigan bo'lsam, "Milan" sharafini himoya qilishni istayman.
"Inter"ga qaytaman, deb o'ylamayman. Men u erda janjal tufayli ketganman. Shunday ekan, faoliyatimni yakunlash oldidan "Milan"da o'ynashni istagan bo'lardim", - deydi futbolchi.
— deya xabar beradi uff.uz nashri.