“Lokomotiv” jamoasining 12 va 14 yoshgacha bo'lgan tarbiyalanuvchilari Malayziyaning Kuala Lumpur shahrida o'tkaziladigan xalqaro “1-ST AFZA GRASS ROOT LEAGUE” musobaqasida ishtirok etmoqda.
Kuala Lumpurda o'tayotgan musobaqa ayni damda o'zining hal qiluvchi pallasiga kirdi. Kecha “Lokomotiv” tarbiyalanuvchilari 4 ta uchrashuv o'tkazishdi. Shulardan 3 tasi yosh “Temiryo'lchilar” foydasiga hal bo'lgan bo'lsa, 1
ta o'yinda durang natija qayd etildi.
Goal Elite  — Lokomotiv 0:2
AFC — Lokomotiv 2:2
Selangor — Lokomotiv 0:4
Kelantan — Lokomotiv 0:6
Shu tariqa, “Lokomotiv” tarbiyalanuvchilari Singapur, Malayziya hamda Yaponiyadan kelgan jamoalar o'rtasida o'tkazilayotgan musobaqa yarim finaliga yo'l oldi. Yarim final bellashuvlari ertaga bo'lib o'tishi ko'zda
tutilgan.
Ta'kidlash joizki, ushbu musobaqada yuqorida sanab o'tilgan mamlakatlarning etakchi jamoalari futbol maktablari 12 va 14 yoshgacha tarbiyalanuvchilari ishtirok etishadi va turnir 22 noyabrga qadar davom etadi.
Manba: lokomotiv.uz
— deya xabar beradi uff.uz nashri.