Angliya chempionatining 12-turidan o'rin olgan “Midlsbro” – “Chelsi” uchrashuvi o'z nihoyasiga etdi. Unda 0:1 hisobi qayd etilib, londonliklarning g'alabasi bilan yakunlandi. Butun o'yin davomida maydon egalari Konte jamoasiga munosib qarshilik ko'rsatdi va final hushtagiga qadar tenma-teng kurashishga harakat qildilar. Shunday bo'lsada, birinchi bo'limning 41-daqiqasida Diego Kosta tomonidan kiritilgan gol, uchrashuvda yagona gol bo'lib qoldi va yakunda “Chelsi“ga g'alabani taqdim etdi. Uchrashuv oxiriga qadar Karanka shogirdlari vaziyatni o'nglashga intildilar, biroq londonlik jamoa himoyachi ishonchli harakat qildi. Shu tariqa, “Chelsi” safarda “Midlsbro” ustidan qiyin g'alabaga erishdi va birinchi o'ringa ko'tarildi. Angliya chempionati
12-tur Midlsbro – Chelsi 0:1 (0:1, 0:0)
Gol: 0:1 – 41 Diego Kosta.
Midlsbro – Valdes, Chembers, Fabio (Dauning, 71), Barragan, Gibson, de Ron, Forshou (Lidbitter, 89), Kleyton (Fisher, 73), Traore, Ramires, Negredo.
Chelsi – Kurtua, David Luiz, Keyxill, Alonso, Aspilikueta, Matich, Mozes (Ivanovich, 90), Pedro (Chaloba, 80), Kante, Azar (Oskar, 90), Diego Kosta.
Ogohlantirishlar: Kleyton (8), Aspilikueta (51), David Luiz (64), Kante (73), Chembers (74).
— deya xabar beradi uff.uz nashri.