“Chelsi” jamoasi bosh murabbiyi Antonio Konte “Midlsbro”ga qarshi (1:0) Angliya chempionati 12-turidan so'ng o'z fikrlari bilan o'rtoqlashdi. “Diego jamoa uchun muhim o'yinchi hisoblanadi. U hujumda asosiy vazifalardan birini bajaradi. Kosta Azar va Pedro bilan ajoyib o'yin o'tkazdi. Diego shu ruhda davom etishi kerak. Uning gollari, shuningdek, Azar, Pedro va Villianning gollari juda muhim”, – dedi italiyalik murabbiy. Eslatib o'tamiz, “Chelsi” navbatdagi g'alabadan keyin ochkolari sonini 28 taga etkazib, turnir jadvalida peshqadamga aylandi. 
— deya xabar beradi uff.uz nashri.