Dam olish kunlari evropa va Osiyo qit'asida milliy chempionat o'yinlarining navbatdagi turlari o'tkazildi.   Bir qator legioner futbolchilarimiz uchun yakunlangan hafta omadli kechdi. Quyida dam olish kunlari legionerlarimiz qanday ko'rsatkich qayd etishgani haqida ma'lumot olishingiz mumkin
Sardor Rashidov 66 daqiqa o'ynadi
Qatar chempionatida to'p surayotgan Sardor Rashidovning jamoasi "Al-Shxanex" jamoasini qabul qilib 3:1 hisobida g'alaba qozondi. Hamyurtimiz uchrashuvni asosiy tarkibda boshlab, 66-daqiqada o'z o'rnini Ali Sanadga bo'shatib berdi. Mazkur bahsda "Al Jaish" 3:1 hisobida g'alaba qozondi. 7-turdan keyin "Jaish" 19 ochko jamg'argan holda, eng yaqin ta'qibchisidan 5 ochko ilgarilab ketib, turnir jadvalini boshqarmoqda. Sardor ushbu mavsumda 5 o'yinda ishtirok etib, 3 marta o'z nomini tabloga yozdirib qo'yishga muvaffaq bo'lgan.
Odil Ahmedovdan golli uzatma
Rossiya chempionatining 14-turida "Krasnodar" o'z maydonida "Ural"ni qabul qildi. 61-daqiqada Bistrovning o'rniga Ahmedov zaxiradan o'yinga qo'shildi. Bu paytda hisob 0:0 edi. Odilning tushishi mezbonlar o'yinini kuchaytirdi. Hamyurtimiz 74-daqiqada Jozainoga golli uzatma amalga oshirib klubining yirik 3:0 hisobidagi g'alabasiga o'z ulushini qo'shdi. "Krasnodar" 14-turdan keyin 24 ochko bilan 5-o'rinda bormoqda. Odil ushbu mavsumda 11 ta o'yinda ishtirok etib ulgurdi. Davomi Furqat Yusupov blogida
— deya xabar beradi uff.uz nashri.