“Barselona” jamoasi bosh murabbiyi Luis Enrike Pako Alkaser gol urmagan bo'lsa-da, uning o'yinidan mamnun. Bu haqda ispaniyalik murabbiy jamoaning “Malaga”ga qarshi (0:0) o'yinidan keyin ma'lum qildi. “Alkaser jamoa darajasida o'yin ko'rsatmoqda. U yaxshi o'ynadi. Yangi futbolchiga gol urish uchun vaqt kerak bo'ladi. Hozir bizda shunday holat, lekin uning o'yinidan mamnunman. Futbolchilardan amalga oshirib bo'lmaydigan ishlarni bajarishni talab qilmaymiz”, – dedi Enrike. Pako Alkaser yozgi transfer mavsumida “Barselona” safiga kelib qo'shildi. Hozirga qadar u kataloniyaliklarning 8 o'yinida (shulardan 3 tasida asosiy tarkibda) maydonga tushib, hamon gol kirita olmadi. 
— deya xabar beradi uff.uz nashri.