“Manchester Yunayted” jamoasi bosh murabbiyi Joze Mourino klub yarim himoyachisi Maykl Kerrik mankunianlar safida yana bir mavsum qolishi mumkinligini aytdi. “Maykl 35 yoshda va “Arsenal”ga qarshi tezkor o'yindan so'ng uning oyoqlari tomirlari tortishdi. Lekin bu xavfli emas. Afsuski vaqt tezlik bilan o'tmoqda. Kerrik ajyoib futbolchi va menga doim yoqardi. U 35 yoshga to'lganida uning murabbiyi bo'lganimdan afsusdaman. Unga vaqtliroq murabbiylik qilishni istardim. Maykl qachon maydonga tushishi mumkinligini va unga qachon hordiq kerak ekanini bilamiz. U biz bilan ekanidan va yana bir yil to'p sura olishidan mamnunman”, – deydi portugaliyalik mutaxassis. Eslatib o'tamiz, Maykl Kerrikning “qizil iblislar” bilan kelishuvi 2017 yilning yoziga qadar mo'ljallangan.
— deya xabar beradi uff.uz nashri.