“Sevilya” bosh murabbiyi Xorxe Sampaoli “Yuventus”ga qarshi EChL 5-turi oldidan o'z fikrlarini bildirib, ertagayoq nimchorak final masalasini hal qilishga umid qilmoqda. “Eng avvali ertangi o'yinda tashabbusni o'z qo'limizga olib, raqibga o'z shartimizni qo'yamiz. Biz durangga rozi bo'lish haqida o'ylamayapmiz. Bu bizning falsafaga to'g'ri kelmaydi. Biz ustunlikka ega bo'lib, g'alaba qozonmoqchimiz”, – dedi argentinalik mutaxassis. “Samir Nasri o'zini yaxshi his qilmoqda. Yaqin 24 soat ichida uning sog'lig'ini kuzatamiz. Agar u o'zini yaxshi his qilsa, Nasri maydonga tushadi. Ammo tavakkal qila olmaymiz. Oldinda muhim o'yinlar bor”, – qo'shimcha qildi Sampaoli. Eslatib o'tamiz, “Sevilya” – “Yuventus” uchrashuvi ertaga, “Ramon Sanches Pisxuan” stadionida bo'lib o'tadi. 
— deya xabar beradi uff.uz nashri.