"Sporting" bosh murabbiyi Jorje Jezush Chempionlar ligasi doirasida "Real"ga qarshi kechadigan o'yin haqida fikrlarini bildirdi.
"Biz dunyoning eng kuchli klubiga qarshi o'ynaymiz, ular ajoyib. Ammo biz ham o'z kuchimizga ishonamiz. Bizning orzuimiz - Madriddagi kabi o'yin namoyish qilish va g'alaba qozonish.
"Real"ga qarshi kechgan birinchi bahs oldidan raqib haqida barcha narsani bilardik. Ular esa bizdan ancha bexabar bo'lishgan. Endi ular bizning iqtidorimizdan hayron qolmasligi aniq. "Real" to'pni nazorat qilganda juda kuchli, ammo to'psiz qolganda har qanday jamoada bo'lgani singari kuchsiz joylar paydo bo'ladi. Biz shundan foydalanishimiz lozim.
Ronaldu dunyoning eng kuchli futbolchisi va eng yaxshi to'purar. Men bajonidil unga murabbiylik qilgan bo'lardim", -deydi Jezush.
— deya xabar beradi uff.uz nashri.