1news.uz — O'zbekiston Futbol federatsiyasi rahbarlari ko'p yillardan beri milliy terma jamoaga xorijdan malakali maslahatchi murabbiyni taklif qilish borasida fikrlarni ilgari surib kelishadi.
Bu lavozimga munosib nomzod AQSh terma jamoasi bosh murabbiyligidan iste'foga chiqarilgan Yurgen Klinsmann bo'lishi mumkin.
52 yashar Klinsmann 2011 yiling 29 iyulida AQSh terma jamoasini qabul qilib olgan va 98 uchrashuv o'tkazib, 55 ta g'alabaga erishgan edi. Ayni paytdagi JCh saralashi o'yinlarida AQSh terma jamoasi ikki o'yinda Meksikaga 1:2, Kosta Rikaga esa 0:4 hisobida mag'lubiyatga uchrab, birorta ham ochko ishlay olmaganligi murrabiyning iste'foga chiqarilganligiga sabab bo'ldi.
Ma'lumki, ayni paytda O'zbekiston terma jamoasi o'z guruhida 9 ochko bilan uchinchi o'rinni band etib turibdi. Agar omad biz tomonda bo'lib, keyingi o'yinlarda Janubiy Koreya va Erondan ochkolarni tortib olishga erishsak, jahon chempionatiga to'g'ridan-to'g'ri beriladigan yo'llanmalardan biriga egalik qilishimiz mumkin. Aks holda avvaliga narigi guruhning uchinchi jamoasi bilan pley-off o'yinlarida g'alaba qozonishimiz, keyinchalik KONKAKAF mintaqasining 4-o'rinni olgan vakiliga qarshi uy-safar tizimida maydonga chiqishimizga to'g'ri keladi. Xabarning tafsilotlari bilan 1news.uz saytida ushbu havola orqali tanishishingiz mumkin.
— deya xabar beradi uff.uz nashri.