FootballHD.ru Londonning «Arsenal» klubi qayd etgan natijani («to'pchilar» APLning bir mavsumini umuman mag'lubiyatsiz yakunlashgan) takrorlash imkoniyatini saqlab turgan klublar haqida so'z yuritadi. «TOTTENXEM» Mamlakati: Angliya O'rin: 5 Natijalari: 5-6-0 To'plar nisbati: 15-6 Ha, «Arsenal»ning qo'shnisi hozircha APLda yutqazmagan jamoa sifatida tilga olinmoqda. Darvoqe, aynan Shimoliy London derbisida «shporlar» ilk marta ochkosiz qolishlari mumkin edi, biroq Xarri Keyn penaltini aniq amalga oshirib, jamoasini mag'lubiyatdan qutqarib qoldi. Maurisio Pochettino to'psiz yaxshi harakatlanadigan, aqlli qarorlar chiqarishga moyil ajoyib jamoa shakllantirdi. Agar duranglar ko'payib ketmaganida, «Uayt Xart Leyn» egalari top-4ga kirishlari aniq edi. Umuman, hozir hech narsa yo'qotilgani yo'q: ligadagi eng yaxshi mudofaa chizig'iga ega «Tottenxem»ni Chempionlar Ligasi yo'llanmasini taqdim etadigan o'rindan bor-yo'g'i uch ochko ajratib turibdi. Imkoniyatlar etarli, biroq APLning engilmas klubi nomini saqlab qolish deyarli imkonsiz. Shunchaki, «shporlar»ning ayni damdagi ko'rsatkichlaridan quvonib turamiz. «REAL MADRID» Mamlakati: Ispaniya O'rin: 1 Natijalari: 8-3-0 To'plar nisbati: 31-10 «qirollik klubi» bosh murabbiyi Zayniddin Zidanning bugungi kunda kuchli bosim va tanqidlar iskanjasida qolayotgani ajablanarli. Binobarin, «Real» yutqazmaslikdan tashqari, primerada peshqadamlik qilishni ham uddalamoqda. «Santyago Bernabeu» uchun bu odatiy hol. Gap shundaki, madridliklar qatorasiga uchta turda ochko yo'qotishdi: «Vilyarreal», «Las-Palmas» va «Eybar»ni mag'lubiyatga uchrata olishmadi. Ushbu jamoalarga hurmatni saqlagan holda ta'kidlash joizki, ular baribir, «Barsa», hattoki, «Atletiko» darajasida ham emaslar. Agar Ronaldu va uning sheriklari mazkur o'yinlarni yanada muvaffaqiyatliroq o'tkazishganida nima bo'lardi? Mayli, mavzudan chetlashmaylik. «Real» chempionatni shu zayl yakunlashni uddalay olmasa kerak, ilk Madrid derbisi yoki «el klasiko» La-ligadagi dastlabki mag'lubiyatga etaklashi ehtimoldan xoli emas. qolaversa, Zidan boshqaruvidagi jamoa u qadar mustahkam ko'rinmayapti, shunga qaramay, frantsiyalik mutaxassis shogirdlari bilan ajoyib natijalarga erishmoqda. «BAVARIYa» Mamlakati: Germaniya O'rin: 1 Natijalari: 7-3-0 To'plar nisbati: 24-6 Ushbu ro'yxat sardorligini bemalol «Bavariya»ga topshirish mumkin. Tan olaylik, bugungi maqolada myunxenliklarga to'xtalishimiz hech kimni ajablantirmaydi. Germaniya chempionatida ilk mag'lubiyatni qabul qilib olish haqiqatga yaqin, zero terma jamoalar o'yinlari tufayli yuzaga kelgan tanaffus yakunlanishi hamono «Bavariya» Dortmundga yo'l oladi. U erda esa har narsa ro'y berishi mumkin. Biroq shunisi aniqki, Myunxen jamoasi Gvardiola ketganidan ke­yin ham ochkolar ishlash bo'yicha etakchilar qatorida bormoqda. Jamoa taqvimning engil qismidan o'tib oldi, Yangi yilgacha esa «Borussiya» D., «Bayer», «RB Leyptsig» hamda «Volfsburg»ga qarshi to'p surishga to'g'ri keladi. «RED BULL LEYPTsIG» Mamlakati: Germaniya O'rin: 2 Natijalar: 7-3-0 To'plar nisbati: 20-7 Ha-ha, bundesliga debyutanti to'plagan ochkolar peshqadamniki bilan bir xil, ular faqatgina to'plar nisbati hisobiga «Bavariya»dan ortda borishmoqda. Leyptsig klubi butun Germaniyani shok holatiga solgan bo'lsa, neytral muxlislarni quvontirmoqda. Bu yangi «Lester»mi? Davomi interfutbol.uz saytida
— deya xabar beradi uff.uz nashri.