Bugun G'uzor shahridagi “G'uzor” markaziy stadionida katta futbol. “Nasaf” va  “Mash'al” jamoalari o'zaro 28-marta kuch sinashishadi. Ushbu jamoalar o'rtasidagi uchrashuv voha derbisi maqomiga ham ega. Bugungi uchrashuv jamoamiz uchun XXV O'zbekiston chempionatini yakunlab beradi. Chempionat so'nggi uchrashuvida jamoamiz muxlislarni xursand qilish uchun maydonga tushishadi. Zero, “Nasaf” bu yilgi chempionatda bronza medalini qo'lga kiritib bo'ldi. “Nasaf” jamoasi bugun milliy chempionatimizdagi o'zining 586-uchrashuvini o'tkazadi. Shu paytgacha jamoamiz milliy chempionatimizda 329 marta g'alaba qozongan. Bugun muxlislarimiz jamoamizning 330 – g'alabasiga guvoh bo'lishlari ham mumkin. Jamoamizning jonkuyar murabbiyi milliy chempionatimizda o'z shogirdlarini shu paytgacha 120ta uchrashuvda maydonga boshlab tushdi. Ro'ziqul Berdiev boshchiligidagi jamoamiz bu yilgi chempionatda 18 marta g'alabani qo'lga kiritgan va Berdievning chempionatdagi g'alabalari soni 77taga etdi. 2016 yil 29 ta o'yin 18 ta g'alaba 2015 yil 30 ta o'yin 19 ta g'alaba 2014 yil 26 ta o'yin 16 ta g'alaba 2013 yil 26 ta o'yin 18 ta g'alaba 2012 yil 9 ta o'yin 6 ta g'alaba Bugun har ikkala jamoa futbolchilari maydonda bor kuchlari bilan harakat qilishlariga hech kim shubhalanmaydi. Chunki bu jamoalar o'rtasidagi uchrashuvlar doim murosasiz va kurashlarga boy tarzda o'tgan. Bejizga voha derbisi deyilmaydi. Bugungi uchrashuvdagi ijobiy natija, O'zbekiston Kubogi-2016 final uchrashuvi oldidan ham muhim hisoblanadi. Xullas, bugun qiziqarli uchrashuv bo'lishiga shubha yo'q. Shunday ekan, chempionatning so'nggi uchrashuvini o'tkazib yubormang, deymiz. Eslatib o'tamiz, bugungi voha derbisi soat 14:00da boshlanadi.
— deya xabar beradi uff.uz nashri.