"Tottenxem" klubi hujumchisi Xarri Keyn faoliyatini "Milan" jamoasida davom ettirishi mumkin. Bu haqida Goal.com portali ma'lumot tarqatdi. Xabar qilinishicha, italyan klubi yanvarda futbolchi bilan muzokaralarni boshlamoqchi. Avvalroq, o'yinchi klub bilan bitimini uzaytirishga shoshilmayotgani hamda haftasiga 100 ming funt maosh olishni istayotgani ma'lum bo'lgandi. Hujumchiga "Real" hamda "Manchester Yunayted" kabi nomdor jamoalar da'vogarlik qilmoqda. Joriy mavsumda Keyn APLning 7ta o'yinida maydonga tushib, 5ta gol kiritgan.
— deya xabar beradi uff.uz nashri.