“Real” yarim himoyachisi Garet Beyl “Barselona”ga qarshi Ispaniya chempionati 14-turida maydonga tusha olmasligi mumkin.  Bu haqda Marca nashri ma'lum qildi. 27 yoshli futbolchi “Sporting” klubiga qarshi (2:1) EChL 5-tur o'yinining 58-daqiqasida maydonni tark etgandi. Uchrashuvdan so'ng uelslik futbolchining o'ng oyog'i shikastlangani aniqlandi. Garet Beylning safga qaytish muddati noma'lum. Katta ehtimol bilan u 4 dekabr kuni bo'lib o'tadigan “El-Klasiko”ni o'tkazib yuboradi. Manbaning ta'kidlashicha, Garet jarroh stoliga ham yotishi mumkin. Bu haqdagi qaror yaqin soatlar ichida hal bo'ladi. 
— deya xabar beradi uff.uz nashri.