Rossiyaning «Rostov» klubi Chempionlar ligasi 5-tur doirasida Myunxenning «Bavariya» jamoasini qabul qildi va qiyinchilik bilan bo'lsada, g'alaba qozonishga erishdi. Avvaliga Duglas Kosta 36-daqiqada mehmonlarni hisobda oldinga olib chiqgan bo'lsa, 44-daqiqaga kelib «Rostov»ning eronlik hujumchisi Sardor Azmun muvozanatni tikladi. Ikkinchi bo'lim boshida «Rostov» vakili Poloz penaltidan to'p kiritib jamoasini oldinga olib chiqdi. Oradan ko'p vaqt o'tmay myunxenliklar a'zosi Bernat hisobni tenglashtirdi. Uchrashuvning 66-daqiqasida Noboa hisobni 3:2 ko'rinishiga keltirdi va bu hisob o'yin so'nggiga qadar o'zgarmadi. Evropa Chempionlar Ligasi.5-tur Rostov Rossiya – Bavariya Germaniya 3:2 (1:1, 2:1) Gollar: 0:1 – 36 Duglas Kosta, 1:1 – 44 Azmun, 2:1 – 49, penalti Poloz, 2:2 – 52 Bernat, 3:2 – 66 Noboa. Rostov – Janaev, Navas, Granat, Kudryashov, Mevlya, Gatskan, Kalachev (Terentev, 87), Noboa, Eroxin, Poloz (Ezzatollaxi, 90), Azmun (Grigorev, 82). Bavariya – Ulrayx, Badshtuber, Boateng (Xummels, 58), Rafinya, Bernat, Sanshesh (Myuller, 73), Lam, Duglas Kosta, Alkantara, Riberi, Levandovski. Ogohlantirishlar: Granat (30), Boateng (48), Gatskan (57).
— deya xabar beradi uff.uz nashri.