"Manchester Yunayted" sobiq himoyachisi Rio Ferdinand mankunianliklar hujumchisi Ueyn Runi haqida fikr bildirdi. Eslatib o'tamiz, Runi spirtli ichimliklar ta'sirida mast holatda yurgani matbuotga chiqib ketgan edi.
"Menimcha matbuot Runiga nisbatan dahshatli munosabatda bo'ldi. Aftidan Ueyn Ispaniyaga qarshi maydonga tushmasligini bilardi va o'sha o'yinga tayyor holatda kelishi shart bo'lmagan. U shunchaki o'sha mehmonxonaning o'zida spirtli ichimlik ichishni istagan, axir tungi klubga bormaganku. Runi mehmonxona xavfsiz joy deb o'ylagan.
Zamonaviy olamda har bir insonda kamerali telefon bor va u tabiiyki ob'ektivga tushib qolgan. Natijada butun dunyoga uning surati tarqalib ketdi. Agar u seshanba kuni maydonga tushishi lozim bo'lsa, bu vaziyatni boshqacha qabul qilardim. O'shanda u nohaq bo'lar edi", - deydi Ferninand.
— deya xabar beradi uff.uz nashri.