Ispaniya prokuraturasi "Barselona" klubi sobiq hujumchisi Samyuel Eto'O borasida ish ochishni talab qilmoqda. Hujumchi soliqdan qochgani uchun 10 yilga qamalishi va 14 million evro jarimaga tortilishi mumkin.
Xabar qilinishicha, ayni vaqtda "Antalyaspor" sharafini himoya qilayotgan Eto'O 2006 yildan to 2009 yilga qadar bo'lgan muddat ichida 3,5 million evro soliq to'lamagan. Surishtiruv ishlariga ko'ra bu vaqt davomida u Ispaniya va Vengriyada ikkita kompaniya ochgan va ularning hisob raqamiga "Barselona" va "Puma" bilan imzolangan shartnomalardan pul kelib tushgan. Bu mablag' soliqqa tortilmasligi yoki kam miqdorda soliq to'lanishi lozim bo'lgan.
Eto'O to'rt marta qonun buzgani aytilyapti. Eng avvalo imijidan foydalanish bilan bog'liq masaladagi qonunbuzarlik ko'rsatilgan.
— deya xabar beradi uff.uz nashri.