2004 yili Portugaliyada bo'lib o'tgan Evropa chempionatida Gretsiya termasi chempionlikni qo'lga kiritganidan xabaringiz bor. Ushbu jamoa safida Evro-2004 musobaqasida o'zbekistonlik futbolchi o'ynaganidan esa bexabar bo'lsangiz kerak. Ushbu o'yinchi haqida ma'lumot berib o'tamiz. Gretsiyalik hujumchi Dimitris Papadopulosning O'zbekiston yoki qozog'istonda tug'ilgani haqida ma'lumotlar bor. Sports.kz sayti esa ushbu masalaga oydinlik kiritish maqsadida futbolchi bilan gaplashishga muvaffaq bo'ldi. Suhbat davomida Papadopulos aynan O'zbekistonda tug'ilgani oydinlashdi. — Dimitris, ko'p intervyularingizda Qozog'istonda tug'ilganingizni aytgansiz, ammo Vikipediya O'zbekistonda tug'ilganingizni qayd etgan. qaysi biri to'g'ri? — O'zbekiston va qozog'iston chegarasida tavallud topganman. Mentug'ilgan Gagarin shahri O'zbekiston tomonda edi. Ikki singlim va ukam qozog'istonda tug'ilishgan. Boisi, o'sha paytda oilam ushbu mamlakatda yashayotgan edi. — Oilangiz bilan Gretsiyaga ketganingizda necha yoshda bo'lgansiz? — 7 yashar edim. 1989 yilda ko'chib ketganmiz. O'rta Osiyoda yashaydigan greklar bilan birgalikda poezdda bir hafta yo'l bosib, Gretsiya chegarasiga etib kelgandik. — Gretsiyaga ko'chib o'tguningizga qadar futbol bilan tanishganmisiz? — Dastlab futbol sirlarini Gagarinda o'rganganman. U erda ikki yil davomida futbol maktabiga qatnaganman. Etti yoshimda futbol maktabi jamoasida o'ynaganman. Gretsiya tomon yo'lga chiqishimizdan bir kun oldin maktablararo musobaqada ishtirok etgandim. — Otangiz qozog'iston terma jamoasiga muxlislik qilarkan, shundaymi? U ham futbol o'ynaganmi? — Otam «Paxtakor»ga muxlislik qilgan va Vasilis Xadzipanagisning ishqibozi bo'lgan. U futbol o'ynamagan. Avtobus haydovchisi bo'lib ishlagan. — Faoliyatingiz davomida «Byornli», «Panatinaikos», «Lechche», «Dinamo» (Zagreb), «Selta», PAOK klublari safida o'ynagansiz. Ularning qaysi biridagi faoliyatingizni muvaffaqiyatli deb ayta olasiz? Davomi interfutbol.uz saytida.
— deya xabar beradi uff.uz nashri.