Evropa ligasi musobaqasi guruh bosqichining beshinchi turidan o'rin olgan “Manchester Yunayted” – “Feyenoord” uchrashuvi o'z nihoyasiga etdi. Unda 4:0 hisobi qayd etilib, mankunianliklarning g'alabasi bilan yakunlandi. Dastlab, birinchi bo'limning 35-daqiqasida Ueyn Runi hisobni ochdi. Ikkinchi bo'limning 69-daqiqasida Xuan Mata raqib darvozasiga ikkinchi to'pni kiritdi. 75-daqiqaga kelib “Feyenoord“ darvozaboni Jons avtogoli hisobni 3:0 ko'rinish olishiga sabab bo'ldi. Ikkinchi taymga qo'shib berilgan vaqtda Jessi Lingard tomonidan kiritilgan goldan so'ng uchrashuvdagi yakuniy 4:0 hisobi o'rnatildi. Shu tariqa, “Manchester Yunayted” “Old Trafford”da “Feyenoord” darvozasiga javobsiz to'rtta gol kiritdi. Evropa ligasi
5-tur Manchester Yunayted Angliya – Feyenoord Gollandiya 4:0 (1:0, 3:0)
Gollar: 1:0 – 35 Runi, 2:0 – 69 Mata, 3:0 – 75, avtogol Jons, 4:0 – 90 Lingard.
Manchester Yunayted – Romero, Valensiya, Jons, Blind, Shou, Kerrik, Pogba, Mata (Reshford, 70), Runi (Depay, 82), Mxitaryan (Lingard, 82), Ibrohmovich.
Feyenoord – Jons, Karsdorp, Dammers, van der Xeyden, Nelom, Tapiya, Kyuyt (Bergeys, 61), Trindade, Tornstra (Basadjikoglu, 78), Yorgensen (Kramer, 73), Elia.
— deya xabar beradi uff.uz nashri.