Madridning «Atletiko» klubi hujumchisi Antuan Grizmann navbatdagi marta jamoasini o'zgartirish niyati yo'qligini ta'kidladi. Frantsiya terma jamoasi futbolchisi ispan klubida ko'plab sovrinlarni qo'lga kiritishiga ishonmoqda.
"Yozda matbuotda Diego Simeone ketishi haqida xabarlar paydo bo'lgandan so'ng «Atletiko»da qolish borasida darhaqiqat menda shubha paydo bo'lgan edi. Ammo uning o'zi qo'ng'iroq qilib, jamoada qolishini aytgach, men ham qolishga ahd qildim.
Simeoneni juda hurmat qilaman va uning ishonchini his qilib turibman. Ammo u boshqa jamoaga ketsa, men ham «Atletiko»dan ketishim shart emas. Bu erda jamoadoshlarim bor va ular menga ko'p narsalar o'rgatib, yuqori darajaga chiqishimga yordam berishgan. "Atletiko"dan ketmasligim lozim, degan fikrdaman", - deydi Grizmann.
— deya xabar beradi uff.uz nashri.