Ispaniya chempionatiga oid ma'lumotlarni taqdim etishda davom etamiz. Bu safar La ligada uzoq vaqt mobaynidaa o'z darvozasi dahlsizligini saqlab qolgan 5 nafar darvozabon haqida to'xtalib o'tamiz.
5. Luis Arkonado - 753 daqiqa
"Real Sosedad" darvozaboni Arkonado 1979/1980 yilgi mavsumda 753 daqiqa davomida o'z darvozasi dahlsizligini saqlab qolgan. Luis San-Sebastyanliklar tarkibida 15 mavsum davomida harakat qilib, ikki marta chempionlikni qo'lga kiritgan. Darvoqea, o'sha "quruq" ceriyali mavsumda uning jamoasi oltin medalga ega chiqqan.
4. Klaudio Bravo - 776 daqiqa
2013/14 yilgi mavsumda "Real Sosedad" tarkibida so'ngi o'yinida va 2014/2015 yilgi mavsumda "Barselona" libosida dastlabki 8 o'yinda, umumiy hisobda 776 daqiqa gol o'tkazmagan Bravo o'sha mavsum Kataloniyaliklar bilan mamlakat chempioni bo'lgan.
3. Edgardo Madinabeytiya - 793 daqiqa
Familiyasi juda uzun bo'lgan argentinalik darvozabon 1965/66 yilgi mavsumda "Atletiko"ning chempion bo'lishida ulkan hissa qo'shdi. U 793 daqiqa darvozasidan birorta ham to'p olib chiqmagan edi. Edgardo La ligada 160 ta uchrashuvda ishtirok etgan.
2. Migel Reyna - 824 daqiqa
1972/73 yilgi mavsumda "Barselona" posboni Reyna darvozasiga raqiblar 800 daqiqadan ortiq vaqt mobaynida yo'l topa olishmagan. Eng qizig'i o'sha yili Kataloniyaliklar chempion bo'la olishmagan. Migel oradan 4 yil o'tib, chempionlik orzusiga erishdi. Biroq u bu natijani Madridning "Atletiko" klubida qayd etgan edi.
— deya xabar beradi uff.uz nashri.