Madridning "Real" klubi yarim himoyachisi Isko 2018 yilda jamoa bilan shartnomasi yakuniga etgach jamoasini o'zgartirishi mumkin.
Xabar qilinishicha, 24 yoshli futbolchiga "Barselona"dan qiziqish bo'lmoqda. Kataloniyaliklar Iskoni erkin agent maqomida o'z safiga qo'shib olishni maqsad qilgan. Eslatib o'tamiz, kataloniyaliklar va madridliklar o'rtasida "o'zaro hujum qilmaslik" bo'yicha kelishuv bo'lib, unga ko'ra raqib jamoa futbolchisini o'z safiga og'dirib olish mumkin emas. Bu kelishuv Luish Figu "Barselona"dan "Real"ga o'tganidan buyon mavjud.
Ammo "Barselona" rahbariyati "Real" Neymarni o'z safiga o'tishga ko'ndirishga urinayotganidan shubhalanmoqda. Shu bois Iskoga qiziqish bildirish bilan javob qaytarmoqchi.
Iskoning o'zi esa faoliyatining davomi sifatida uchta variantni ko'rib chiqmoqda: yangi shartnoma bo'yicha klub bilan muzokara boshlash, 2017 yilning yozida pul evaziga "Real"dan ketish yoki 2018 yilda erkin agent maqomida boshqa klubga o'tish.
"Real" yozda Iskoni Angliya klublaridan biriga sotib yuborishga urinib ko'rmoqchi. Biroq bunga qadar yarim himoyachi bilan shartnoma muddatini uzaytirishga urinib ko'radi.
— deya xabar beradi uff.uz nashri.