Ispaniya chempionati 13-turidan o'rin olgan «Malaga» – «Deportivo» uchrashuvi o'z nihoyasiga etdi. Ushbu bahsda maydon egalari so'nggi daqiqalarda gol urib, zafar quchdilar. Birinchi bo'limning ilk daqiqalaridayoq «Deportivo» a'zosi Borxes penaltidan hisobni ochgan bo'lsa, bo'lim o'rtalariga kelib hakam qarama-qarshi darvoza tomon 11 metrlik nuqtani ko'rsatdi, vaziyatdan mezbonlar vakili Santos unumli foydalandi. Uchrashuvning 40-daqiqasi o'tib borayotgan bir paytda, Sandro Ramires mehmonlar darvozasini ishg'ol etib, «Malaga»ni tanaffusga g'olib sifatida olib chiqdi. Ikkinchi bo'limda Santos 56-daqiqada hisobni 3:1 ko'rinishiga keltirdi, biroq mehmonlar Andone (72) va Borxesning (81) gollaridan so'ng muvozanatni tikladilar. Hakam tomonidan qo'shib berilgan daqiqalarda «Malaga» vakili Ontiveros jamoasiga g'alaba keltirgan so'nggi golni kiritdi.  Ispaniya chempionati. 13-tur Malaga – Deportivo 4:3 (2:1, 2:2) Gollar: 0:1 – 4, penalti Borxes, 1:1 – 21, penalti Santos, 2:1 – 40 Sandro Ramires, 3:1 – 56 Santos, 3:2 – 72 Andone, 3:3 – 81 Borxes, 4:3 – 90(+2) Ontiveros. Malaga – Kameni, Torres, Rikka, Rosales, Vilyanueva, Anor, Kamacho, Fornals (Duda, 87), Chori Kastro, Santos (Ontiveros, 73), Sandro Ramires (En-Nesiri, 54). Deportivo – Tiiton, Sidney, Albentosa, Luizinyu, Xuanfran, Borxes, Gilerme, Fajr (Xil, 68), Gama (Cholak, 90), Moreno (Moskera, 90), Andone. Ogohlantirishlar: Luizinyu (10), Anor (76), Kamacho (78), Ontiveros (90).
— deya xabar beradi uff.uz nashri.