“Bunyodkor” – “Lokomotiv” uchrashuvidan keyingi matbuot anjumanining birinchi qismida “temiryo'lchilar” ustozi ishtirok etdi.
- Avvalo, stadion xodimlariga o'z minnatdorchiligimni bildirib o'tmoqchi edim. Noqulay ob-havo harorati tufayli qor yog'ganiga qaramasdan maydonni juda sifatli qilib tayyorlashdi va jamoalarga yaxshi sharoit yaritib berishdi. O'yinga keladigan bo'lsam, uchrashuv teng kurashlar ostida o'tdi. Uch kun avval ham deyarli shunday bo'lgandi. Yaratgan ikkita vaziyatimizdan bittasini golga aylantira oldik. Omad bizga kulib boqdi.
Futbolda omad kuchlilarga kulib boqishini unutmaslik kerak. Finalga chiqdik endi Samarqandda o'tadigan bahs haqida bosh qotiramiz. “Nasaf” bizga nisbatan yaxshiroq tayyorgarlikka ega bo'lishi mumkin. Biroq final oldidan imkoniyatlarni 50/50 deb baholayman, - deydi Andrey Gennadevich.
— deya xabar beradi uff.uz nashri.