JCh-2018 saralashining 3-raundiga kelib 12ta jamoa 4,5ta yo'llanma uchun kurash olib boryapti. So'nggi ikkita mundial (JCh-2010 va JCh-2014) uchun o'tkazilgan saralashning so'nggi bosqichida qit'amizda 10tadan jamoa kurash olib borgandi. Guruhlardagi toq jamoalar saviya jihatidan bir-biriga ancha yaqin edilar. JCh-2018 saralashida esa vaziyat biroz boshqacha. 1-davra yakuniga kelib favoritlar va autsayderlar ajralib qoldi. 3-o'rin uchun kurashadigan jamoalar nomi ham deyarli aniq. Birinchi davra yakunidayoq taxmin qilish o'rinlimikan, degan savol tug'iladi. Bugungi tahlilimizni terma jamoalarning 1-davra yarmidan keyingi holatiga qaratsak. Oldingi ikki saralash tsikli bo'yicha ham birinchi davra yakunini inobatga oldik. Rossiya-2018. Terma jamoamiz ushbu raundni ancha ishonchli boshladi. Faqat gollar sal kamroq. Lekin quvontirayotgan jihatlar ham yo'q emas. g'alaba qozongan o'yinlarimizda darvozamiz daxlsizligini saqlab qoldik. Bu yog'iga 5ta o'yin qolgan. Taxminimizcha, uydagi o'yinlarda g'alaba va safarda durang qayd eta olsak, JCh-2018 mundialiga to'g'ridan-to'g'ri borishimiz mumkin. Zero narigi guruhda 3-o'rin egasi o'sha paytda bizning guruhdagi istalgan jamoadan kuchli bo'lish ehtimoli yuqori. JCh-2018 saralashi. 3-raund. «A» guruhi. 1-davradan keyingi vaziyat: Guruhimizdagi vaziyat hozirdanoq tushunarli. Eron va Koreya 1-o'rin uchun jiddiy kurash olib boradigan ko'rinadilar. Hammasi qatar va Xitoyning 2-davrani o'z uylarida qanchalik ishonchli tarzda boshlashiga bog'liq. 2019 yil 23 martda Suriya terma jamoamizni katta ehtimol bilan Malayziyada qabul qilsa kerak. Bu o'yinda g'alaba qayd etsak, biz guruh peshqadamligi uchun ham bemalol da'vogar bo'la olamiz. Koreya esa jamoaviy o'yin borasida qit'ada yaqqol etakchi ekanligi sezilib turibdi. O'zbekistonga qarshi bahsda jamoa to'pga egalik qilish bo'yicha 73 foizlik natija ko'rsatdi. Ayni shu jihat mezbonlarga maydonda o'z uslubini joriy etishni ta'minladi va g'alabaga zamin hozirladi. Suriya, qatar va Xitoy termalarining 1-davra o'yinlariga nazar tashlab, bu jamoalar biror-bir narsaga da'vo qilishiga ishonish qiyin. Taktik o'sish va ruhiyat borasida etuk jamoalar bo'lmaganliklari bois, ayni paytda Osiyo kubogi-2019 uchun tayyorgarlik ko'raversalar ham bo'ladi. JCh-2018 saralashi. 3-raund. «B» guruhi. 1-davradan keyingi vaziyat: qur'adan so'ng aksariyat mutaxassislar ushbu guruhda motivatsiya va salohiyat jihatidan bir-biriga teng raqiblar yig'ilgan, deya e'tirof etgandilar. So'nggi Osiyo kubogida juda yaxshi o'yin namoyish etgan Iroq va BAA hozircha u qadar yuqori pog'onada emaslar. Lekin ular oxirigacha kurash olib borishlari kerak, chunki jamoalar salohiyati shundan dalolat beradi. Tailandning shu bosqichga etib kelganining o'zi ham katta natija. BAA terma jamoasi hujumchisi Ahmad Halil sermahsullikda Osiyoda raqobatdan xoli ekanligini namoyish etyapti. Saudiya Arabistoni so'nggi rasmiy turnirlarda juda bo'sh ko'ringandi. Lekin ularda bosh murabbiy o'zgargani foyda berdi. Jamoa tempni o'zgartirdi va guruhdagi raqiblarini o'zi bilan hisoblashishga majbur etyapti. Hamma xavfni Muhammad Al Sahlavidan kutayotgan bir paytda katta sahnaga Navaf Al Obid va Fahad Al Muvallad ko'tarilishdi. Braziliya-2014. Doimgidek, terma jamoamiz saralash bosqichiga ishonchli tarzda etib keldi. Yaponiya bor guruhda 16 ochko jamg'argandik. Iroq (15 ochko), Avstraliya (15 ochko) kabi jamoalar ham bizdan ortda qolgandi. Bu yog'iga 10ta o'yin qolgandi. Bizdan minimum 14 ochko olish talab etilardi. Davomi interfutbol.uz saytida.
— deya xabar beradi uff.uz nashri.