Italiya chempionati 14-turidan o'rin olgan "Jenoa" – "Yuventus" uchrashuvi o'z nihoyasiga etdi. Uchrashuvda "Yuventus" futbolchilari kutilmaganda "Jenoa"ga  imkoniyatni boy berdilar. Ilk daqiqalardayoq "Jenoa" futbolchilari hujumlarni samarali yakunladilar, Simeone uchrashuvning 13-daqiqasiga kelib raqib darvozasini ikki bor ishg'ol etishga ulgurdi. Birinchi bo'limning 29-daqiqasi o'tib borayotgan bir vaqtda Aleks Sandro o'z darvozasiga gol kiritib, mehmonlarning tanaffusga yirik hisobda chiqib ketishlarini ta'minladi. Ikkinchi bo'limda "Yuventus" jamoasi qanchalik urinmasin, omad ularga kulib boqmadi. Turinliklarning ketma-ket hujumlari 82-daqiqada o'z mevasini berdi, Pyanichning goli mehmonlarni yirik hisobdagi mag'lubiyatdan qutqarib qoldi. Italiya chempionati. 14-tur Jenoa – Yuventus 3:1 (3:0, 0:1) Gollar: 1:0 – 3 Simeone, 2:0 – 13 Simeone, 3:0 – 29, avtogol Aleks Sandro, 3:1 – 82 Pyanich. Djenoa – Perin, Itstso, Burdisso, Munos, Lazovich (Edenilson, 68), Kofi, Laksalt, Rigoni (Gakpe, 87), Rinkon, Okampos (Biraski, 89), Simeone. Yuventus – Buffon, Bonuchchi (Rugani, 33), Benatiya, Aleks Sandro, Lixtshtayner (Iguain, 53), Ernanes, Xedira (Sturaro, 70), Kuadrado, Pyanich, Dani Alves, Mandjukich. Ogohlantirishlar: Rinkon (24), Kuadrado (77), Kofi (81), Sturaro (90), Biraski (90).
— deya xabar beradi uff.uz nashri.