Ispaniya chempionati 13-turidan o'rin olgan “Real Sosedad” – “Barselona” uchrashuvi o'z nihoyasiga etdi. Ushbu uchrashuvda “Barselona” klubi “Real Sosedad” to'sig'idan o'ta olmadi, natijada kataloniyaliklarning “Real” bilan oradagi farqlari 6 okoga etdi. Uchrashuvning 53-daqiqasida Karlos Velaning jarima maydoniga kirib bergan zarbasini ter Stegen qaytardi, biroq qaytgan to'pga birinchi etib kelgan Villian Joze hisobni ochishga muvaffaq bo'ldi. Oradan ko'p o'tmay jarima to'pini amalga oshirgan Neymar, Messi tomon to'pni etkazdi argentinalik hujumchi vaziyatni ko'kka sovurmadi. Shu tariqa hisob 1:1 ko'rinishini oldi. Ispaniya chempionati. 13-tur Real Sosedad – Barselona 1:1  Gollar: 1:0 – 53 Villian Joze, 1:1 – 59 Messi. Real Sosedad – Ruli, Navas, Berchiche, Martines, Martines, Surutusa, Ilyarramendi, Vela, Prieto (Kanales, 72), Oyarsabal (Granero, 85), Villian Joze (Xuanmi, 75). Barselona – ter Stegen, D. Suares, Pike, Alba, Buskets, Maskerano, Rakitich (L. Suares, 46), Serdji Roberto, Andre Gomesh, Neymar, Messi. Ogohlantirishlar: ter Stegen (22), Maskerano (55), Martines (62), Suares (84), Surutusa (89), Alba (90).
— deya xabar beradi uff.uz nashri.