O'zingizga ma'lum, “Nasaf” jamoasi o'z tarixida ilk marta 2003 yili O'zbekiston kubogi finalida ishtirok etgan. 2011, 2012 va 2013 yillar qatorasiga uch marta final uchrashuvida maydonga tushgan. 2015 yilgi  final esa, jamoamiz uchun omadli bo'ldi va kubokni qo'lga kiritdi. Demak, “Nasaf” jamoasi shu paytgacha besh marta O'zbekiston Kubogi finalida ishtirok etgan. Navbatdagisi oltinchi final hisoblanadi. Jamoamiz ishtirokidagi bo'lib o'tgan final uchrashuvlarini tahlil qilsak, ayni paytda jamoamiz tarkibida faoliyat yuritayotgan to'qqiz nafar futbolchimiz kamida bir martadan final uchrashuvida maydonga tushganini ko'ramiz. Ikki nafar o'yinchimiz esa, final uchrashuvlarida eng ko'p maydonga tushgan o'yinchilarimiz hisoblanishadi. Bular, Maqsud Karimov va Farruh Sayfievlardir. Jamoamiz darvozabonlari ichida shubhasiz, Eldorbek Suyunov finalda o'ynash bo'yicha rekordchi hisoblanadi. Bo'lib o'tgan final uchrashuvlarida hali biron bir darvozabonimiz ikki marta maydonga tushmagan. Quyida jamoamiz tarkibida kubok finallarida maydonga tushgan futbolchilar bilan tanishing. Maqsud Karimov -2011, 2012, 2015 Farruh Sayfiev – 2012, 2013, 2015 Eldorbek Suyunov – 2013, 2015 Sherzod A'zamov – 2013, 2015 Azamat Allaniyozov – 2013, 2015 Fozil Musaev – 2012 Bahrom Abdurahimov – 2015 Shuhrat Muhammadiev – 2015 Odiljon Hamrobekov – 2015 Jamoamiz ishtirokidagi navbatdagi kubok finalida ko'plab futbolchilarimiz debyut qilishlari kutilmoqda. Masalan, Igor Golban, Ognen Krasich, Dragan Cheran va boshqalar. Eslatib o'tamiz, O'zbekiston kubogi – 2016 final uchrashuvi 30 noyabr chorshanba kuni Samarqand shahridagi “Dinamo” stadionida soat 13:00da boshlanadi.
— deya xabar beradi uff.uz nashri.