1news.uz — Shahrimiz yoshlari sport bilan ommaviy ravishda shug'ullanishlari uchun yanada keng imkoniyat yaratish maqsadida kelgusi 3 yil davomida bolalar va o'smirlar sport maktablariga olimpiya talablariga javob beradigan 10 ta yopiq basseyn va 10 ta universal sport zallari qurib beriladi va rekonstruktsiya qilinadi. Bu haqda Tadbirkorlar va ishbilarmonlar harakati – O'zbekiston Liberal-demokratik partiyasidan O'zbekiston Respublikasi Prezidentligiga nomzod Shavkat Mirziyoev Toshkent shahar saylovchilari bilan uchrashuvda ma'lum qildi. Uning aytishicha, kelgusi yilda shaharning aholi zich joylashgan va sport komplekslari mavjud bo'lmagan Chilonzor, Mirzo Ulug'bek, Mirobod, Uchtepa tumanlaridagi sport maktablarida yopiq suzish havzalari va sport zallari quriladi va rekonstruktsiya qilinadi. Ushbu maqsadlar uchun Bolalar sportini rivojlantirish jamg'armasidan 23 milliard so'm mablag' ajratiladi. Xabarning tafsilotlari bilan 1news.uz saytida ushbu havola orqali tanishishingiz mumkin.
— deya xabar beradi uff.uz nashri.