"Tottenxem" klubi bosh murabbiyi Maurisio Pochettino yarim himoyachi Mussa Sissokoni nega asosiy tarkibda tushirmayotganiga izoh berdi. "Futbol – bu faqat pul degani emas. Muhimi shuki, futbolchilar mashg'ulotlarda o'zlarini ko'rsatishlari va sheriklaridan ustunligini isbotlashlari kerak. Kim maydonga tushishini men hal qilaman. "Tottenxem" o'yin qaydnomasiga faqat munosib o'yinchilar kiritiladi. Biz futbolda har xil holatlarning guvohi bo'lamiz. Ba'zida sotib olgan o'yinchingiz siz kutgan natijani ko'rsatmaydi. Agar yigitlardan kimdir, masalan Onoma yoki Yansen asosiy tarkibda o'ynashga munosib bo'lsalar, nega endi men Sissokoni maydonga tushirishim kerak? Transfer narxi uchunmi? Yo'q. U harakat qilishi va asosiy tarkibga loyiqligini isbotlashi lozim" – deya Pochettino so'zlarini keltirmoqda FourFourTwo nashri. Eslatib o'tamiz, "Tottenxem" klubi Mussani "Nyukasl"dan 35 mln evro evaziga sotib olgan.
— deya xabar beradi uff.uz nashri.