Almati shahrida Taekvondoning (WTF) yo'nalishi bo'yicha kattalar va yoshlar o'rtasida o'tkazilgan Qozog'iston ochiq chempionatida mamlakatimiz sportchilari jami 15 ta medalga (7 ta oltin, 4 ta kumush va 4 ta bronza) sazovor bo'ldilar.
Jumladan, kattalar o'rtasida o'tkazilgan musobaqalarda Maksim Rafalovich (-80 kg), Jasur Boyqo'ziev (-87 kg) va Dmitriy Shokin (+87 kg) barcha raqiblari ustidan zafar quchib, oltin medallarga sazovor bo'lishgan bo'lsa, Nikita Rafalovich (-74 kg) va Bahrom Abdullaev (-54 kg) kumush, Timur O'rolov (-58 kg) esa bronza medali bilan taqdirlandilar.
Kattalar o'rtasida bo'lib o'tgan musobaqalarda g'oliblikka erishgan sportchilar 2016 yili Rio-de-Janeyro shahri (Braziliya)da o'tkaziladigan XXXI yozgi Olimpiada o'yinlarining yo'llanmasi uchun navbatdagi 10 ochkoni o'z hisoblariga yozib qo'ydilar.
Barcha sovrindorlar bilan O'zbekiston Milliy Olimpiya qo'mitasiga tegishli Oympic.uz saytida tanishib chiqishingiz mumkin.
— deya xabar beradi uff.uz nashri.