Sobiq futbol hakami Grem Poll «Manchester Yunayted» bosh murabbiyi Joze Mourinoning «Vest Xem»ga qarshi kechgan bahsdagi chetlatilishi borasida o'z fikrlarini bildirdi. «Mourinoning navbatdagi jizzakiligini chetlatish bilan jazolagan Jonatan Moss, o'sha vaziyatda mutlaqo haq edi. Hakamlar Jozening injiqliklariga ko'p duch kelishgan, Moss o'tgan mavsumda ham uni jazolagan edi. Hakamlar o'z majburiyatini to'g'ri bajarmoqda, endi  FA ham o'z ishini qilsin. Mourinoni 6 o'yinga diskvalifikatsiya qilish kerak, shunda uning hakamlarga bo'lgan munosabati o'zgarashi mumkin», — deydi Poll. Eslatib o'tamiz, portugaliyalik mutahassis APLning 13-turidan o'rin olgan «MYu» - «Vest Xem» uchrashuvida hakamning qaroriga keskin munosabat bildirgani uchun maydondan chetlashtirilgan edi. Buning oqibatida Mourino 2 ta o'yinga diskvalifikatsiya qilinishi mumkin.
— deya xabar beradi uff.uz nashri.