Jamoamizning mavsum-2016dagi ishtiroki borasidagi maqolalarimizni davom ettiramiz. Bugungi maqolamizda “Qo'qon-1912” klubining qaysi oyda qancha ochko olgani borasida fikr yuritamiz. Jamoamiz birinchi davrada 9 ochko ikkinchi davrada esa 20 ochkoni qo'lga kiritdik. Bu ochkolarni endi oylarga bo'lib chiqamiz. Chempionat start olgan mart oyida uch ochko olganmiz. Aniqrog'i, birinchi turda “Obod”ni dog'da qoldirganmiz. Aprel oyida ham bitta g'alaba qozonganmiz. 3-tur doirasida “Andijon”dan ustun kelganmiz. Bu oydagi qolgan uchrashuvlarda mag'lubiyatga uchraganmiz. May oyi esa jamoamiz uchun juda omadsiz o'tdi. Bahorning so'nggi oyida vakillarimiz birorta ham ochko olishmagan. Iyun oyida ham “Qo'qon-1912” jamoasi o'z hisobiga uch ochko yozib qo'ydi. Ikkinchi davra uchrashuvlari avgust oyida start olgandi. Yozning so'nggi oyida jamoamiz to'rt ochkoga ega bo'ldi. Sentyabr oyida ham jamoamizning ochkolari yana to'rttaga ko'paydi. Oktyabr oyida esa besh ochkoni qo'lga kiritganmiz. Nihoyat, chempionatning yakuniy qismi noyabr oyida “Qo'qon-1912” jamoasi o'z hisobiga etti ochkoni yozdirib qo'ydi.
— deya xabar beradi uff.uz nashri.