O'zbekiston Kubogi–2016 Final uchrashuvi oldidan o'tkazilgan matbuot anjumanining navbatdagi qismida “Lokomotiv” jamoasi bosh murabbiyi Andrey Miklyaev va jamoa yarim himoyachisi Oleg Zoteevlar ishtirok etishdi. “Hamma ertaga ajoyib o'yin kutishmoqda. Finaldagi raqibimiz juda jiddiy. Biz “Nasaf”ni bu yilgi mavsumda mag'lub etgan bo'lsakda, ularning bizning jamoamiz bilan bo'lgan o'yinini ko'rdilaringiz biz uchun bu o'yinda juda qiyin bo'lgan edi. Shunday bo'lsada, biz bu erga g'alaba qozonish uchun keldik”, – dedi Miklyaev. Oleg Zoteev: Nima deyishim mumkin, “Nasaf” juda barqaror jamoa hisoblanadi. Maydonda tartibli harakat qiladi. Hamma jamoada ham minus va plyus tomonlari bo'ladi. Shuni hisobga olib ertaga maydonga tushamiz. Hamma yigitlar o'yinga tayyor. Men Samarqandda qachon o'ynagan bo'lsam, faqat g'alaba qozonganmiz, ertaga ham shunday bo'lishidan umid qilaman. Andrey Miklyaev: Tarkibimizda afsuski yo'qotishlar bor, chunki 17 noyabrdan so'ng to'rtta jiddiy o'yinda maydonga tushdik. Shu orqali ba'zi o'yinchilarimizda jarohatlar ham bo'ldi. Shifokorlarimiz ular bilan shug'ullanishmoqda. Biz Dragan Cheranni bilamiz, ammo unga qarshi maxsus tayyorgarlik ko'rganimiz yo'q, ertaga bo'ladigan o'yinda bu haqda o'yinchilarimizga ko'rsatma beramiz. “Nasaf” biz uchun juda jiddiy raqib hisoblanadi. Ularda faqat bir-ikkita o'yinchi emas, jamoaviy o'yin bor. Ertaga qanday tarkib bilan maydonga tushishimiz uchun, o'ylashga hali vaqt bor. Buni ertaga hal qilamiz. “Nasaf” jamoasi ikkinchi davrada o'z tarkibini juda kuchaytirib oldi, jamoada ko'p gol uradigan hujumchi ham paydo bo'ldi. O'zlaringiz bilasiz, jamoamiz o'z maydonida deyarli gol o'tkazmagan jamoa bo'lib kelayotgan edi. Ammo raqibimiz oxirgi o'zaro o'tgan o'yinning o'zida ikkita gol urishga muvaffaq bo'ldi. Bu ham raqibimizning kuchayganligidan dalolat beradi.
— deya xabar beradi uff.uz nashri.