Jahonning eng qiziqarli va tomoshabop ligasi bu shubhasiz Angliya Premer ligasidir. Unda ishtirok etuvchi jamoalar tarlibidagi futbolchilar katta mahoratga va iqtidorga ega bo'lmasa, ushbu ligada “yo'qolib” qolishi mumkin. Biz hikoya etmoqchi bo'lgan futbolchilar esa o'zlarining iqtidori, mahorati va jamoasiga sodiqligi evaziga bir necha yillardan buyon faqatgina bitta jamoa tarkibida to'p surib kelmoqda. Albatta buni hisoblash paytida bir qancha qoidalar kiritdik. Unga ko'ra yillar asosiy jamoa bilan shartnoma imzolagan kundan boshlab hisoblangan, ijarga berilgan yillari inobatga olinmagan, jamoa akademiyasi tarbiyalanuvchisi bo'lgan taqdirda uning asosiy jamoada debyut qilgan kunidan hisoblangan va eng asosiysi hozirda ham aynan o'sha jamoada to'p tepayotgan bo'lishi kerak. Bugun biz ushbu maqolamizning ikkinchi qismini e'tiboringizga havola etamiz. “Xall Siti”: Eldin Yakupovich Jamoaga kelgan vaqti: 9.07.2012 4 yil 4 oydan buyon “Xall” safida to'p surib keladi O'yin/gollari: 33/0(bu mavsumda 6/0) Shveytsariyalik darvozabon Eldin Yakupovich “yo'lbarslar” safida salkam 4 yarim yildan buyon to'p surib keladi. Yakupovich bu vaqt oralig'ida bor-yo'g'i 33 uchrashuv o'tkazganidan ma'lumki shveytsariyalik kiper zahira darvozaboni ekan. “Lester”: Endi King Jamoaga kelgan vaqti: 29.10.2005 11 yildan buyon “Lester” safida to'p surib keladi O'yin/gollari: 344/59(13/0) Endi King faoliyatini “Lester”ga bag'ishlamoqda. Chempionshipdan Birinchi ligaga, u erdan yana ortga qaytib, APL chempionligiga erishgan King ingliz futbolining barcha bosqichlarini muvaffaqiyat bilan bosib o'tishga muvaffaq bo'ldi. “Liverpul”: Lukas Leyva Jamoaga kelgan vaqti: 26.07.2007 9 yil 3 oydan buyon “Liverpul” safida to'p surib keladi O'yin/gollari: 317/6(7/0) Jerrard jamoani tark etganidan so'ng klubdagi eng tajribali futbolchi Lukas Leyva bo'lib qoldi. Braziliyalik yarim himoyachi Rafa Benitesning sevimli shogirdlaridan edi. Jamoani Xojson, Rojers nihoyat Klopp boshqarganida ham 29 yoshli futbolchi “qizillar” safidan o'rnini yo'qotmadi. “Manchester Siti”: Vensan Kompani Jamoaga kelgan vaqti: 22.08.2008 8 yil 3 oydan buyon “Manchster Siti” safida to'p surib keladi O'yin/gollari: 301/14(5/0) 6 mln funt evaziga “Gamburg”dan harid qilingan Kompani “shaharliklar” tarkibida to'p surib kelayotganiga mana 8 yildan oshdi. Jamoada tajriba borasida undan keyingi o'rinda turuvchi futbolchi bu Pablo Sabaletadir. Maqolaning davomi penalti.uz saytida
— deya xabar beradi uff.uz nashri.