Italiyaning “Milan” klubi yarim himoyachisi Keysuke Xonda o'z faoliyatini Angliya chempionatida davom ettirishi mumkin. La Repubblica nashrining xabar berishicha, 30 yoo'li futbolchining xizmatlariga “Tottenxem” klubi qiziqish bildirmoqda. Transfer yanvar oyida amalga oshishi kutilmoqda. Bundan tashqari, yaponiyalik futbolchiga “Vest Xem” va “Sautgempton” qiziqmoqda. Xondaning milanliklar bilan amaldagi kelishuv muddati 2017-yilning yozigacha mo'ljallangan. Eslatib o'tamiz, avvalroq Keysuke Xonda qishda “Milan”ni tark etishga qaror qilgani haqida xabar qilingandi. 
— deya xabar beradi uff.uz nashri.