Janubiy Koreya termasiga qarshi kechgan uchrashuv bilan O'zbekiston milliy jamoasi JCh-2018 3-saralash bosqichining birinchi davra bahslarini yakunladi. O'tkazilgan 5ta o'yinda 3 g'alaba va 2 mag'lubiyat qayd etib, 9 ochko bilan guruhda 3-o'rinni egallab turibmiz. Afsuski, o'z maydonimizda eronliklarga imkoniyat boy berildi (0:1). Aks holda, yilni guruh peshqadami sifatida tugatar edik. To'g'ri, hali imkoniyatlar saqlanib turibdi. Lekin 2017 yilning mart oyidan davom ettiriladigan saralash uchrashuvlarida hozirgidek o'yin namoyish etsak, ko'p yillik orzumiz yana armon bo'lib qolaveradi. Ikkinchi davraning ilk uchrashuvini mehmonda Suriya termasiga qarshi o'tkazamiz. Keyin esa Toshkentda qatarliklar mehmon bo'lishadi. Mazkur ikki bahsda maksimal darajada ochko to'plashimiz shart. Aks holda, JCh-2018 final bosqichi haqida o'ylamasak ham bo'laveradi. Biz birinchi davra yakunlari yuzasidan futbol professori Rustam Akramovdan intervyu oldik.  - Seuldagi o'yinni tahlil qilib ko'rdingizmi? Mag'lubiyatimizga qanday omillar sabab bo'ldi, deb o'ylaysiz? - Bu bosqichga etib kelgan barcha jamoalarda JCh-2018 final bosqichiga chiqish vazifasi bor. Ishonchim komil, bugunga kelib hech bir jamoa bu maqsadni o'z kun tartibidan olib tashlamagan. Hattoki, guruh autsayderi bo'lib turgan Xitoy termasi ham yo'llanmalar yo'lida so'nggi turgacha kurash olib borishi aniq. Boz ustiga, bu jamoada bosh murabbiy o'zgardi. Marchello Lippining qanday salohiyatga ega ekanligi hech kimga sir emas. Bevosita Seuldagi o'yinga kelsak, birinchi bo'lim biz uchun oson kechdi. Raqibning birgina xatosidan unumli foydalanib qoldik. Tanaffusga qadar koreyaliklarning o'yini umuman qovushmadi. Keyingi 45 daqiqalikda maydon egalari o'zlariga kelib olishdi va jarima maydonchamiz oldida bosimni kuchaytirishdi. Futbolchilarimizga to'p bilan muomala qilish uchun deyarli imkoniyat berishmadi. Aynan mana shu pallada murabbiylar qo'llaydigan taktikalar to'qnashuvi boshlandi. Bu borada koreyaliklar ustozining uslubi ish berdi. Uning zaxiradan o'yinga tushirgan ikki futbolchisi uchrashuv taqdirini hal qilishdi. Biznikilar esa vaziyatni o'zgartira olishmadi. qolaversa, vaqt juda kam qolgandi. Hech bo'lmasa, bu o'yindan bir ochko olish kerak edi. Menga futbolchilarning maydonda oxirigacha kurashayotgani ma'qul keldi. - Eng katta kamchiligimiz nimada? - Bir futbolchiga bog'lanib qolganimizda. Bugungi kunda milliy jamoada Odil Ahmedovning o'rnini bosa oladigan, uning maydonda yo'qligini bildirmaydigan futbolchining o'zi yo'q. Odilga juda bog'lanib qolganmiz. Koreya termasida esa bunday emas. Ularning aksariyat o'yinchilari Evropaning ko'zga ko'ringan klublarida to'p surishyapti. Mahalliy futbolchilar ham legionerlarga hech bir jabhada yon bermayaptilar. Afsuski, bizga hozircha bunday holat begona. Vitaliy Denisov jarohat olsa yoki diskvalifikatsiyaga uchrasa, uning o'rni yaqqol bilinib qoladi. E'tibor bergan bo'lsangiz, koreyaliklar deyarli Denisovning qanotidan hujum uyushtirishmadi. Asosiy harakatlar Davron Hoshimov qo'riqlayotgan chiziqda kuzatildi. Birinchi gol aynan shu qanotdan uyushtirilgan hujumdan so'ng urildi. O'sha vaziyatda Denisov raqib futbolchisini zararsizlantirishga kechikdi, qo'pol qilib aytganda, «uxlab qoldi». Ikkinchi gol ham juda osonlik bilan darvozamiz to'ridan joy oldi. Maydon markazidan qulay tarzda uzatilgan to'pni o'tkazib yuborishganini, ochig'i, tushunmadim. Jahon chempionati yo'llanmasi uchun kurashayotgan jamoa bunday xatolarga yo'l qo'ymasligi kerak. Tayanch zonasida Azizbek Haydarovning yo'qligi aynan mana shu vaziyatda yaqqol bilinib qoldi. Ko'ryapsizmi, yana o'sha mavzu, bir-ikki futbolchiga suyanib qolish qanday oqibatlarga olib kelyapti. Shiddatli tezlanishga erishish uchun har qanday lokomotiv avvalo, sifatli relsga ehtiyoj sezadi. Bu borada «Liverpul» ajoyib imkoniyatga ega: «Arsenal», «Chelsi» va «Tottenxem»dek asosiy da'vogarlar bilan safarda kuch sinashdi, uyda faqat «MYu» bilan bellashdi. Yilning oxirgi bellashuviga qadar Klopp shogirdlari o'rtacha murakkablikdagi ikki to'siq - «Sautgempton» va «Everton»dan muvaffaqiyatli o'tishlari talab etiladi. Mazkur g'ovlar yuqorida zikr etilgan grand­lar uchligi oldida hech narsa emas. Davomi interfutbol.uz saytida.
— deya xabar beradi uff.uz nashri.