Oliy liga yakunlariga atalgan maqolalar turkumini davom ettiramiz. Bu safar mavsum davomida eng ko'p penaltidan gol urgan futbolchilar haqida ma'lumot berib o'tamiz.
5-6. Igor Sergeev - 11 gol (3 penalti)
Sergeev "Paxtakor" tarkibida birinchi davrada o'z hisobiga 11 ta gol yozdirib qo'ydi. Igor "Olmaliq", "Mash'al" va "Navbahor" jamoalariga qarshi o'yinlarda 11 metrlik jarima zarbasini golga aylantirgan. Eng qizig'i Sergeev barcha penaltilarini Toshkentdagi o'yinlarda amalga oshirgan.
5-6. Nemanya Yovanovich - 13 gol (3 penalti)
Serbiyalik hujumchi birinchi davraada "Andijon" tarkibida "Sho'rtan" va "So'g'diyona" bilan o'yinlarda penaltidan gol kiritgan bo'lsa, ikkinchi davrada "Qizilqum" libosida "Olmaliq" darvozasiga 11 metrlik "nuqta"dan gol urdi.
2-4. Baxodir Pardaev - 7 gol (4 penalti)
Pardaev Buxoroda "So'g'diyona" va "Qo'qon-1912" jamoalariga qarshi uchrashuvlarda penaltidan unumli foydalanib jamoasi g'alabasiga munosib ulush qo'shdi. Baxodir "Neftchi" va "Olmaliq" bilan mehmondagi bellashuvlarda 11 metrlik jarima zarbasini golga aylantirib, uchrashuvlardagi yagona golni urgan holda "Buxoro"ga 3 ochko keltirgan.
2-4. Igor Taran - 9 gol (4 penalti)
"Sho'rtan" hujumchisi Taran penalti tepgan o'yinlarda kamida 4 ta gol kiritilgan. Hujumchi "Andijon", "Neftchi" va "Metallurg" maydonlarida penaltidan o'z hisobiga gol yozdirib qo'ygan. G'uzorda esa Igor faqat "So'g'diyona" darvozasini penaltidan ishg'ol qilgan.
2-4. Dostonbek Hamdamov - 9 gol (4 penalti)
O'tgan yili Osiyoning eng yaxshi yosh futbolchisi bo'lgan Hamdamov ushbu mavsumda 9 ta gol urdi. "Bunyodkor" futbolchisi "Obod" bilan ikkita o'yinda va "Paxtakor"ga qarshi bellashuvda penaltidan gol urib, jamoasining yirik hisobdagi g'alabasiga munosib hissa qo'shgan bo'lsa, Toshkentda “Navbahor" bilan bo'lgan bahsda 11 metrlik jarima to'pidan unumli foydalanib, "qaldirg'ochlar"ning 1 ochko olishini ta'minlab bergan. Davomi Furqat Yusupov blogida.
— deya xabar beradi uff.uz nashri.