"Barselona" bosh murabbiyi Luis Enrike va Madridning "Real" jamoasi bosh murabbiyi Zinedin Zidan Braziliyaning «Shapekoense» klubi uchragan aviahalokat borasida hamdardlik bildirdi.
"Bu juda ulkan fojea. Halokat bo'yicha to'liq surishtiruv o'tkazish kerak, deb hisoblayman. Bu nafaqat sport yoki futbolga tegishli. U juda ko'p oila va insonlarga alam etkazdi. Biz chuqur hamdardligimizni bildiramiz", - deydi Enrike.
"O'z nomimdan va "Real" nomidan Kolumbiyadagi aviahalokatdan vafot etganlarning barcha yaqinlariga hamdardlik bildirmoqchiman. Shuningdek «Shapekoense» klubi va uning barcha muxlislari bilan ham hamdardman. Bu fojea yuz berganidan juda alam va afsusdamiz", - deydi Zidan.
Eslatib o'tamiz, «Shapekoense» futbolchilari va murabbiylari joylashgan samolyot Kolumbiyaning Medelin shahri yaqinida halokatga uchragan va 71 kishi vafot etib, 6 kishi jarohat olgan edi.
— deya xabar beradi uff.uz nashri.