Braziliya chempionatining etakchi klublari o'z futbolchilarini tekinga «Shapekoense»ga ijaraga berishmoqchi. Shu bilan birga Braziliya futbol federatsiyasidan «Shapekoense» natijadan qat'iy nazar uch yilgacha quyi ligaga tushib ketmasligini so'rashmoqda.
"Korintians", "Santos", "San Paulu" va "Palmeyras" klublari aynan shunday tashabbus bilan chiqish qilishdi. Shu bilan birga boshqa klublar ham bu tashabbusni qo'llab-quvvatlashmoqda.
Eslatib o'tamiz, «Shapekoense» klubi aviahalokatga uchradi va samolyotda bo'lgan 75 kishi vafot etib, 6 kishi jarohat olgan. Biroz vaqt muqaddam Kolumbiyaning "Atletiko Nasonal" klubi Kopa Sudamerikana-2016 g'olibligini «Shapekoense»ga berishni so'ragandi. Finalda bu ikki jamoa to'p surishi lozim edi.
— deya xabar beradi uff.uz nashri.