Bugun O'zbekiston kubogi finalida Toshkentning “Lokomotiv” hamda Qarshining “Nasaf” jamoalari o'zaro hisob-kitob qiladi. Biz esa mazkur qarama-qarshilikdagi har ikkala jamoa tarkibida to'p tepgan futbolchilarning Top-6 ligini e'tiboringizga havola etamiz. 6. Dilshod Rahmatullaev “Lokomotiv”: 2010, 2012-13, 2014-2015 “Nasaf: - 2016 hozirgacha O'zining professional futboldagi ilk saboqlarini “So'g'diyona” klubida orttirgan Dilshod 2010 yil “Loko” safiga kelib qo'shiladi va mavum davomida 16 uchrashuv o'tkazadi. Keyinchalik esa “Olmaliq” hamda Turkiyaning “Shanliurfspor” klubida ijarada bo'lgan futbolchi so'nggi yillarda yana “temiryo'lchilar” safida harakat qilib kelayotgan edi. Ushbu mavsum avvalida esa u Ro'ziqul Berdiev jamoasiga borib qo'shildi. 5. Islom Inomov “Lokomotiv”: 2012-2013 “Nasaf”: 2010 Islom Angren futboli tarbiyalanuvchisi sanaladi va futboldagi ilk saboqlarini mahalliy “Semurg'” jamoasida oladi. Keyinchalik turli jamoalarda harakat qilgan Inomov 2010 yilgi mavsumni Vikor Kumikov boshqaruvidagi “Nasaf” tarkibida o'tkazadi. “Loko”da esa himoyachi 2012-2013 yillarda to'p tepadi. Ta'kidlash joiz Islom hozirda “Olmaliq” safida faoliyatini davom ettirmoqda. 4. No'mon Hasanov “Lokomotiv”: 2009 “Nasaf”: 2001-2002 No'mon Hasanov futbolchilik faoliyati davomida 12 ta jamoada to'p tepgan bo'lsa, ular orasida “Nasaf” hamda “Loko” ham bor. Bugungi kunda “Qo'qon-1912” jamoasida bosh murabbiy sifatida faoliyat yuritayotgan Hasanov 2001-2002 yillarda “ajdarlar” safida to'p surgan va 36 uchrashuvda maydonga tushgan. Yodingizda bo'lsa o'sha mavsum “Nasaf” xalqaro maydonda yurtimiz sharafini munosib himoya etgan edi. “Temiryo'lchilar”da esa futbolchilik faoliyatining so'nggi qismini olib borgan va aynan mazkur klubda “butsalarini mixga ilgan”. Maqolaning davomi penalti.uz saytida
— deya xabar beradi uff.uz nashri.