Madridning "Real" klubi darvozaboni Keylor Navas hali biror marta Ispaniya chempionatida jamoasi bilan mag'lubiyatga uchramagan.
28 yoshli darvozabon Ispaniya chempionatida 15 ta o'yinda maydonga tushgan va shundan 12 tasida madridliklar g'alaba qozonishgan, yana uchtasida esa durang qayd etilgan.
Kostarikalik darvozabon "Real" tarkibida 2014 yilning 23 sentyabrida ilk marta maydonga tushgan va "Elche" 5:1 hisobida mag'lub etilishida ishtirok etgandi. Joriy mavsumda 9 o'yin o'tkazib, shundan 6 ta g'alaba va 3 ta durang qayd etilgan. Navas o'tkazib yuborgan gollar soni esa uchta.
— deya xabar beradi uff.uz nashri.